atraantarecha kulaTaakulavartmapaata
sa.njaatapaataka iva sphuTalaaJNchhanashriiH |
vR^indaavanaantaramadiipayada.nshujaalai
rdikSundariivadanachandanabindurinduH || 7-1
pa Che - atra antare ca kulaTa aakula vartma paata
sa.njaata paataka iva sphuTa laa.ncChana shriiH
vR^indaavana antaram adiipayat a.nshu jaalaiH
dik sundarii vadana chandana binduH induH
prasarati shashadharabimbe vihitavilambe cha maadhave vidhuraa |
virachitavividhavilaapam saa paritaapam chakaarochchaiH || 7-2
pa Che- prasarati shasha dhara bimbe vihita vilambe ca maadhave vidhuraa
virachita vividha vilaapam saa paritaapam chakaara ucChaiH
aSTapdi - 13 - naagara naaraayaNa rasaavalayam
kathitasamaye.api harirahaha na yayau vanam |
mama viphalamidamamalaruupamapi yauvanam ||
yaami he kamiha sharaNam |
sakhiijanavachanava.nchitaaham -dhR^ivam || a pa 13-1
pa Che - kathita samaye api hariH ahaha na yayau vanam mama viphalam idam amala ruupam api yauvanam yaami he kam iha sharaNam sakhii jana vachana va.nchitaa aham
yadanugamanaaya nishi gahanamapi shiilitam |
tena mama hR^idayamidamasamasharakiilitam || a pa 13-2
pa Che- yat anugamanaaya nishi gahanam api shiilitam tena
mama hR^idayam idam asama shara kiilitam
mama maraNameva varamativitathaketanaa |
kimiha viSahaami virahaanalachetanaa || a pa 13-3
papa Che- mama maraNam eva varam ati vitatha ketanaa
kim iha viSaami viraha anala achetanaa
maamahaha vidhurayati madhuramadhuyaaminii |
kaa api harimanubhavati kR^itasukR^itakaaminii || a pa 13-4
pa Che - maam ahaha vidhurayati madhura madhu yaaminii
kaapi harim anubhavati kR^ita sukR^ita kaaminii
ahaha kalayaami valayaadimaNibhuuSaNam |
harivirahadahanavahanena bahuduuSaNam || a pa 13-5
pa Che - aha ha kalayaami valaya aadi maNi bhuuSaNam
hari viraha dahana vahanena bahu duuSaNam
kusumasukumaaratanumatanusharaliilayaa |
sragapi hR^idi hanti maamativishhamashiilayaa || a pa 13-6
pa Che - kusuma sukumaara tanum atanushara liilayaa srak api
hR^idi hanti maam ati viSama shiilayaa
ahamiha nivasaami navigaNitavetasaa |
smarati madhusuudano maamapi na chetasaa || a pa 13-7
pa Che - aham iha nivasaami na vigaNita vetasaa smarati
madhusuudanaH maam api na chetasaa
haricharaNasharaNajayadevakavibhaaratii |
vasatu hR^idi yuvatiriva komalakalaavatii || a pa 13-8
pa Che- hari charaNa sharaNa jayadeva kavi bhaaratii
vasatu hR^idi yuvatiH iva komala kalaavatii
tatkim kaamapi kaaminiimabhisR^itaH kim vaa kalaakelibhiH
baddho bandhubhirandhakaariNi vanaabhyarNe kimudbhraamyati |
kaantaH klaantamanaa manaagapi pathi prasthaatumevaakShamaH
sa.nketiikR^itama~njuva~njulalataaku~nje.api yannaagataH || 7-3
pa Che- tat kim kaam api kaaminiim abhisR^itaH kim vaa kalaa kelibhiH
baddho bandhubhiH andhakaariNi vanaabhyarNe kim udbhraamyati
kaantaH klaanta manaa manaag api pathi prasthaatum eva akShamaH
sa.nketii kR^ita ma.nju va.njula lataa ku.nje api yat na aagataH
athaagataam maadhavamantareNa
sakhiimiyam viikShya viSaadamuukaam |
visha.nkmaanaa ramitam kayaapi
janaardanam dR^iSTavadetadaaha || 7-4
pa Che- atha aagataam maadhavam antareNa
sakhiim iyam viikShya viSaada muukaam
visha.nkmaanaa ramitam kayaa api
janaardanam dR^iSTavat etat aaha
aSTapadi - 14 - hariramitaca.mpakashekharam
smarasamarocitaviracitaveshaa |
galitakusumabharavilulitakeshaa |
kaapi madhuripuNaa vilasati yuvatiradhikaguNaa || a pa 14-1
pa Che- smara samara uchita virachita veshaa
galita kusuma bhara vilulita keshaa
kaapi madhu ripuNaa vilasati yuvatiH ati adhika guNaa
hariparirambhaNavalitavikaaraa |
kuchakalashopari taralitahaaraa || a pa 14-2
pa Che- hari parirambhaNa valita vikaaraa
kucha kalasha upari taralita haaraa
vichaladalakalalitaananachandraa |
tadadharapaanarabhasakR^itatandraa || a pa 14-3
pa Che- vichalat alaka lalita aanana chandraa
tat adhara paana rabhasa kR^ita tandraa
cha.nchalakuNDaladalitakapolaa |
mukharitarasanajaghanagatilolaa || a pa 14-4
pa Che- cha.nchala kuNDala dalita kapolaa
mukharita rasana jaghana gati lolaa
dayitavilokitalajjitahasitaa |
bahuvidhakuujitaratirasarasitaa || a pa 14-5
pa Che- dayita vilokita lajjita hasitaa
bahu vidha kuujita rati rasa rasitaa
vipulapulakapR^ithuvepathubha.ngaa |
shvasitanimiilitavikasadana.ngaa || a pa 14-6
pa Che- vipula pulaka pR^ithu vepathu bha.ngaa
shvasita nimiilita vikasata ana.ngaa
shramajalakaNabharasubhagashariiraa |
paripatitorasi ratiraNadhiiraa || a pa 14-7
pa Che- shrama jala kaNa bhara subhaga shariiraa
paripatita urasi rati raNa dhiiraa
shriijayadevabhaNitahariramitam |
kalikalushhaM janayatu parishamitam || a pa 14-8
pa Che- shrii jayadeva bhaNita hari ramitam
kali kaluSam janayatu parishamitam
virahapaaNDumuraarimukhaambuja
dyutirayam tirayannapi vedanaam |
vidhuratiiva tanoti manobhuvaH
suhR^idaye hR^idaye madanavyathaam || 7-5
pa Che- viraha paaNDu muraari mukha ambuja
dyutiH ayaM tirayan api vedanaam
vidhuH atiiva tanoti manobhuvaH
suhR^it aye hR^idaye madana vyathaam
aSTapadi - 15 - harirasamanmathatilakam
samuditamadane ramaNiivadane chumbanavalitaadhare |
mR^igamadatilakam likhati sapulakam mR^igamiva rajaniikare |
ramate yamunaapulinavane vijayii muraariradhunaa - iti dhR^ivam || a pa 15-1
pa Che- samudita madane ramaNii vadane chumbana valita adhare
mR^iga mada tilakam likhati sa pulakam mR^igam iva rajanii kare
ramate yamunaa pulina vane vijayii muraariH adhunaa
ghanachayaruchire rachayati chikure taralitataruNaanane |
kuravakakusumam chapalaasushhamam ratipatimR^igakaanane || a pa 15 -2
pa Che- ghana chaya ruchire rachayati chikure taralita taruNa aanane
kuravaka kusumam chapalaa suSamam rati pati mR^iga kaanane
ghaTayati sughane kuchayugagagane mR^igamadaruchiruuSite |
maNisaramamalam taarakaapaTalam nakhapadashashibhuuSite || a pa 15-3
pa Che- ghaTayati su ghane kucha yuga gagane mR^iga mada ruchira uuSite
maNi saram amalam taarakaa paTalam nakha pada shashi bhuuSite
jitabisashakale mR^idubhujayugale karatalanaliniidale |
marakatavalayam madhukaranichayam vitarati himashiitale || a pa 15-4
pa Che- jita bisa shakale mR^idu bhuja yugale kara tala nalinii dale
marakata valayam madhukara nichayam vitarati hima shiitale
ratigR^ihajaghane vipulaapaghane manasijakanakaasane |
maNimayarasanam toraNahasanam vikirati kR^itavaasane || a pa 15-5
pa Che- rati gR^iha jaghane vipulaapaghane manasija kanaka aasane
maNimaya rasanam toraNa hasanam vikirati kR^ita vaasane
charaNakisalaye kamalanilaye nakhamaNigaNapuujite |
bahirapavaraNam yaavakabharaNam janayati hR^idi yojite || a pa 15-6
pa Che- charaNa kisalaye kamala nilaye nakha maNi gaNa puujite
bahiH apavaraNam yaavaka bharaNam janayati hR^idi yojite
ramayati sadR^isham kaamapi subhR^isham khalahaladharasodare |
kimaphalamavasam chiramiha virasam vada sakhi viTapodare || a pa 15-7
pa Che- ramayati su dR^isham kaam api subhR^isham khalahaladhara sodare
kim aphalam avasam chiram iha virasam vada sakhi viTapa udare
iha rasabhaNane kR^itahariguNane madhuripupadasevake |
kaliyugacharitam na vasatu duritam kavinR^ipajayadevake || a pa 15-8
pa Che- iha rasa bhaNane kR^ita hari guNane madhu ripu pada sevake
kali yuga charitam na vasatu duritam kavi nR^ipa jayadevake
naayaataH sakhi nirdayo yadi shaThastvam, duuti kim duuyase
svacChandam bahuvallabhaH sa ramate kim tatra te duushhaNam |
pashyaadya priyasa.ngamaaya dayitasyaakR^ishhyamaaNam guNaiH
utkaNThaartibharaadiva sphuTadidam chetaH svayam, yaasyati || 7-6
pa Che- na ayaataH sakhi nirdayaH yadi shaThaH tvam duuti kim duuyase
svacCha.ndam bahu vallabhaH saH ramate kim tatra te duuSaNam
pashya adya priya sa.ngamaaya dayitasya akR^iSyamaaNam guNaiH
utkaNTha aarti bharaat iva sphuTat idam chetaH svayam yaasyati
aSTapadi - 16 - harinaaraayaNamadanaayaasam
anilataralakuvalayanayanena |
tapati na saa kisalayashayanena
sakhi yaa ramitaa vanamaalinaa - iti dhR^ivam || a pa 16-1
pa Che- anila tarala kuvalaya nayanena
tapati na saa kisalaya shayanena
sakhi yaa ramitaa vana maalinaa
vikasitasarasijalalitamukhena |
sphuTati na saa manasijavishikhena || a pa 16-2
pa Che- vikasita sarasija lalita mukhena
- yaa ramitaa vanamaalinaa -
sphuTati na saa manasija vishikhena
amR^itamadhuramR^idutaravachanena |
jvalati na saa malayajapavanena || a pa 16-3
pa Che - amR^ita madhura mR^idu tara vachanena
jvalati na saa malaya ja pavanena
sthalajalaruharuchikaracharaNena |
luThati na saa himakarakiraNena || a pa 16-4
pa Che- sthala jala ruha ruchi kara charaNena
luThati na saa hima kara kiraNena
sajalajaladasamudayaruchireNa |
dalati na saa hR^idi chiraviraheNa || a pa 16-5
pa Che- sa jala jalada samudaya ruchireNa
dalati na saa hR^idi viraha bhareNa
kanakanikaSaruchishuchivasanena |
shvasati na saa parijanahasanena || a pa 16-6
pa Che- kanaka nikaSa ruchi shuchi vasanena
shvasati na saa parijana hasanena
sakalabhuvanajanavarataruNena |
vahati na saa rujamatikaruNena || a pa 16-7
pa Che- sakala bhuvana jana vara taruNena
vahati na saa rujam ati karuNena
shriijayadevabhaNitavachanena |
pravishatu harirapi hR^idayamanena || a pa 16-8
pa Chep- shrii jayadeva bhaNita vachanena
pravishatu hariH api hR^idayam anena
manobhavaanandana chandanaanila
prasiida re dakShiNa m.ncha vaamataam |
kShaNam jagatpraaNa nidhaaya maadhavam
puro mama praaNaharo bhavishhyasi || 7-7
pa Che- manaH bhava aanandana chandana anila
prasiida re dakShiNa mu.ncha vaamataam
kShaNam jagat praaNa nidhaaya maadhavam
puraH mama praaNa haraH bhavishhyasi
ripuriva sakhiisa.nvaaso.ayam shikhiiva himaanilo
vishhamiva sudhaarashmiryasmindunoti manogate |
hR^idayamadaye tasminnevam punarvalate balaat
kuvalayadR^ishaam vaamaH kaamo nikaamanira.nkushaH || 7-8
pa Che- ripuH iva sakhii sa.nvaasaH ayam shikhii iva hima anilaH
viSam iva sudhaa rashmiH yasmin dunoti manaH gate
hR^idayam adaye tasmin evam punaH valate balaat
kuvalaya dR^ishaam vaamaH kaamaH nikaama nira.nkushaH
baadhaam vidhehi malayaanila pa.nchabaaNa
praaNaangR^ihaaNa na gR^iham punaraashrayishhye |
kim te kR^itaantabhagini kShamayaa tarangaiH
a.ngaani si.ncha mama shaamyatu dehadaahaH || 7-9
pa Che- baadhaam vidhehi malaya anila pa.nch abaaNa
praaNaan gR^ihaaNa gR^iham punaH na aashrayiSye
kim te kR^itaa.nta bhagini kShamayaa tara.ngaiH
rangaani si.ncha mama shaamyatu deha daahaH
praatarniilanicolamacyutamurassa.mviitapiitaa.mbaram
radhaayaashkitam vilokya hasati svairam sakhiimaNDale |
vriiDaaca.ncalama.ncalam nayanayoraadhaaya raadhaanane
svaadusmeramukho.ayamastujagadaana.ndadaayana.ndaatmajaH || 7-10
pa Che- praataH niila nicolam acyutam uraH sa.mviita piita a.mbaram
radhaayaaH cakitam vilokya hasati svairam sakhii maNDale
vriiDaa ca.ncalam a.ncalam nayanayoH aadhaaya raadha aanane
svaadu smera mukhaH ayam astu jagat aana.ndadaaya na.nda aatmajaH
iti giitagovinde vipralabdhaavarNane naaganaaraayaNo naama saptamaH sargaH
Oct, 2003, Desiraju Hanumanta Rao; Revised : Nov 08